काठमाडौं । आइएमई जनरल इन्स्योरेन्स लिमिटेड र चिरायु नेसनल हस्पिटल एण्ड मेडिकल इन्स्टिच्युट प्रालिबीच नगदरहित सेवा प्रदान गर्ने सम्झौता भएको छ ।
आइएमई जनरल इन्स्योरेन्स लिमिटेडका नायब प्रमुख कार्यकारी अधिकृत शरण रेग्मी र चिरायु नेसनल हस्पिटल एण्ड मेडिकल इन्स्टिच्युटका अपरेशन डाइरेक्टर चन्डेश्वर नन्दराज बैद्यबीच सम्झौता भएको हो ।
यस सम्झौतापछि आइएमई जनर इन्स्योरेन्सबाट औषधोपचार बीमा सेवा खरिद गर्ने ग्राहकहरुको बीमालेखको सीमासम्म चिरायु नेसनल हस्पिटल एण्ड मेडिकल इन्स्टिच्युटबाट नगदसहित हस्पिटलाईजेशन सुविधा प्राप्त गर्न सक्नेछन् ।
कार्यकारी अधिकृत रेग्मीले चिरायु नेशनल हस्पिटल एण्ड मेडिकल इन्स्टिच्युुटले आफ्ना ग्राकलाई आइएमई जनरल इन्स्योरेन्ससँग आइजिआइ औषधोपचार बीमालेख खरिद गरी अस्पतालसँग बीमालेखको सिमासम्म नगदरहित हस्पिटलाईजेशन सेवा लिन उत्प्रेरित गर्ने अपेक्षा समेत राखे ।
साथै अस्पताल र अस्पतालसँग आवद्ध सदस्यहरुलाई औषधोपचार लगायत आवश्यक पर्ने सबै प्रकारका निर्जीवन बीमा सेवा आइएमई जनरल इन्स्योरेन्सबाट प्राप्त गर्न सकिने भएकाले ढुक्क भएर सेवालिन रेग्मीले आग्रह गरे ।
