जिम्बाब्वेले अस्ट्रेलियालाई २३ रनले हरायो
काठमाडौं। भारत र श्रीलंकामा जारी विश्वकप क्रिकेटअन्तर्गत आज भएको खेलमा जिम्बाब्वेले अस्ट्रेलियालाई २३ रनले पराजित गरेको छ।
कोलम्बोमा भएको खेलमा पहिले ब्याटिङ गरेको जिम्बाब्वेले दुई विकेट मात्र गुमाउँदै १६९ रनको योगफल तयार पारेको थियो।
१७० रनको लक्ष्य पछ्याएको अस्ट्रेलिया १९.३ ओभरमा सबै विकेट गुमाउँदै १४६ रनमा समेटियो।
जिम्बाब्वेको जितमा ६४ रनको योगदान गरेका ओपनर ब्रायन बेनेट नटआउट रहे। अर्का ओपनर तादिवानाशे मारुमानीले ३५, ¥यान बर्लले ३५, कप्तान सिकन्दर राजाले २५ रनको योगदान गरे। अस्ट्रेलियाले १० रन उपहार दिएको थियो।
अस्ट्रेलियाका मार्कस स्टोइनिस र क्यामरन ग्रिनले समान १ विकेट लिए पनि अरुले सकेनन्।
अस्ट्रेलियाका म्याट रेनशले ६५ रनको योगदान गरे पनि जिताउन सकेनन्। उनीबाहेक ट्राभिस हेडले १७ र ग्लेन म्याक्सवेलले ३१ रन बनाए। बाँकी खेलाडीले दोहोरो स्कोर बनाउन सकेनन्। जिम्बाब्वेका ब्लेसिङ मुजराबानीले ४, ब्राड इभान्सले ३ र वेलिङटन मासाकाद्जा तथा ¥यान बर्ललले समान १ विकेट लिए।
जिम्बाब्वेसँगको हारपछि अस्ट्रेलियाको २ अंक मात्र भएको छ। अस्ट्रेलिया ग्रुप बीको तेस्रो स्थानमा छ। यसमा श्रीलंका र जिम्बाब्वे ४÷४ अंकसहित पहिलो र दोस्रो स्थानमा छन्। आयरल्यान्ड र ओमानले भने दुवै खेलमा पराजय व्यहोरेका छन्।
सम्बन्धित समाचार
कांग्रेस-कम्युनिस्टको चरित्र नेपालमा राजनीतिक अस्थिरता निम्त्याएको जसपा नेपालको निष्कर्ष
काठमाडौं। जनता समाजवादी पार्टी (जसपा) नेपालले कांग्रेस र कम्युनिस्टको चरित्र नेपालमा राजनीतिक अस्थिरता निम्त्याउने भएको औंल्याएको छ। प्रतिनिधि सभाको...
समानुपातिककै भरमा महिलाको प्रतिनिधित्व, पिँधको वर्ग अझै उपेक्षित
काठमाडौं । नेपालको राजनीतिक इतिहास करिब आठ दशक लामो संघर्ष, बलिदान र व्यवस्था परिवर्तनको गाथा हो। जहानियाँ राणा शासन,...
सूचनाको समान पहुँच नहुँदा अर्थतन्त्र प्रभावितः अर्थमन्त्री खनाल
काठमाडौं। अर्थमन्त्री रामेश्वर खनाल अर्थतन्त्र सही ढंगले सञ्चालन हुन सही सूचना समयमै प्रवाह हुन अत्यावश्यक रहेको बताउनुभएको छ ।...
पूर्वराजा ज्ञानेन्द्रलाई स्वागत गर्न राजावादीहरुको भिड
काठमाडौं। झापा भ्रमण सकेर काठमाडौं फर्कनुभएका पूर्वराजा ज्ञानेन्द्र शाहलाई त्रिभूवन अन्तर्राष्ट्रिय विमानस्थलको मुख्य गेटबाहिर दुर्गा प्रसाईंसहित समर्थकहरूको ठूलो भीडले...